《月光光》
月光光，照地堂；年卅晚，吃宾榔；
槟榔香，摘紫姜；紫姜辣，买茶辣；
茶辣苦，买猪股；猪股肥，买牛皮；
牛皮厚，买莲藕；莲藕长，买农场；
农场好.......大家好！
《落雨大》
落雨大，水浸街，阿哥担柴上街卖，
阿嫂出街着花鞋，花鞋花袜花腰带，
珍珠蝴蝶两边排。
《月光光》
月光光，照地堂，蝦仔你乖乖瞓落床，
聽朝阿媽要趕插秧囉，阿爺睇牛去上山崗，
啊... 蝦仔你快高長大囉，
幫手阿爺去睇牛羊，呀...
月光光，照魚塘，蝦仔你乖乖瞓落床，
聽朝阿爸要捕魚蝦囉，阿嫲織網要織到天光，
啊... 蝦仔你快高長大囉，
划艇撒網更在行。
月光光，照地堂，
年三十晚，摘檳榔，
五穀豐收堆滿倉囉，
老老嫩嫩喜洋洋，
啊...
蝦仔快的眯埋眼囉，一覺瞓到大天光，
啊...
《凼凼转》
凼凼转，菊花圆，炒米饼，糯米团，
阿妈叫我睇龙船，我吾睇，睇鸡仔，
鸡仔大，摞去卖，卖得几多钱？
卖得三百六十五个仙。
氹氹轉，菊花園
炒米餅，燸呀燸米團。
五月初五係龍舟節呀，
阿媽佢叫我去睇龍船，
我唔去睇，我要睇雞仔。
雞仔大我掠去賣，賣得幾多錢 ?
賣左幾多隻呀 ?
我有隻風車仔，佢轉得好好睇，
睇佢氹氹轉呀菊花園，
睇佢氹氹轉呀氹氹轉又轉...
《鸡公仔》
鸡公仔，尾弯弯，
做人呢点可以怕艰难？
清早起床返学去，
执齐的书本啊上学堂。
一分耕耘自有一分收获，
懒惰去做人呀，
又点会有所成啊？
鸡公仔，尾弯弯，
做人呢当然要有精神，
清早起床有好习惯，
经常都温书啊要学勤，
一分耕耘自有一分收获，
懒惰去做人呀，
又点会有所成啊？
鸡公仔，尾婆娑，
三岁既孩童学唱歌
阿哥佢听教罗，
妈就开心哂咯，
阿哥佢唔听话，
妈就唔安乐，
喔……，喔……。
抗日战争时期，敌愾同仇！广东人“如梦”巧将《鸡公仔》，将朗朗上口的童谣，改成凝聚同胞团结一心的抗日歌谣：
《鸡公仔》抗日版
鸡公仔，尾弯弯。日本矮仔真野蛮，派齐飞机掟炸弹，想来炸烂我河山。不过我地唔心烦，无话从前沙咁散。团结抗战点怕难？出钱出力唔敢悭。
鸡公仔，尾弯弯。而家世界无得叹，因为倭奴来侵犯，四围出钱买汉奸。呢啲确系心腹患，我口地必要将佢铲。杀清质狗唔好慢，食佢嘅肉当晚餐。
鸡公仔，尾弯弯。我地同胞四万万，同心同德咪相残，救国唔怕险和艰。你担锄头他揸铲，我用大刀手榴弹，合力共把乾坤挽。
－载于2月24日《救亡日报》副刊《人人看》
没有评论:
发表评论